شاعر وأكثر من صورة

غزاي بن نومان الحربي

لا ضاق صدرك عالي الصوت جره
لو كان قلبك ما يطاوعك مسرور
دنياك لو تسوى من الحِزن ذرّة
ما كان تاليها توابيت وقبور
***
خوّة
خوي النشاما راس ماله حيا واحساس
ولكن بوقت المدح لازم يعدونه
وترى اللي مثل شرواه ينحط فوق الراس
حياته فخر والناس لامات ينعونه
***
جواهر
إعرف متى تحتاج جوهر كلامك
وإعرف متى تحتاج تجنح على الصمت
تصير لك هيبة وترفع مقامك
وتهدّي أصوات البشر لا تكلّمت
***
رصيد
ياعاشق الدنيا ترى المال زوّال
كم واحدٍ ماخلّده كثر ماله
وكم طيّبٍ لو كان ما يملك المال
بين البشر حاز الثنا والشكالة