قصيدة للشاعر مشبب البشري

ياوجدي وجد من وجه بحزة عصير
بعد علم ٍ جاه ضيق بصدره واكتمه
الكبر حده على الخوف من طول المسير
والقهر من ضلم الاقراب ضده والجمه
الهقاوي مبعده واصبح اذراعه قصير
حال عن مدة ذراعه يدين مجرمه
ويتهقوى للحقيقه من الرجل الخبير
صادق لسنه وقلبه وتعبير اقلمه
لكن اللي صار محد ٍ توقع له يصير
صار بعض الدم ماء وانقطع م مرحمه
ولا جداه الا على الصوت هم بالضمير
من وجييه مسفر ه في قلوب مضلمه
ليت للكذاب شي ٍ على وجهه يشير
وكل ضالم ينجلط ويتضايق بنسمه
وش بقا ما باقي شي ينبينا بخير
كل يوم اردى من اللي سبقه بميسمه
عزتي للي لقاء الدرب قدامه عسير
وعزتي للي يدور لحقوه محزمه
وعزتي للي تعزوا يبي الحد الشطير
والعداء قدمه تدور لراسه واقدمه
وعزتي للي حداه الزمن واصبح فقير
من فعول اللي تقدم يدينه بكرمه
فيا وجودي وجد من ينحر السيل الكبير
محرم ٍ ويدعي على اللي بلاه ويضلمه
والله ان الوقت هذا بلاويه كثير
مالقينا خير بعد افتتاح العولمه
ضاع قدر العود واللي ضهر قدر الصغير
ولا دخلت بخير جاتك علوم امولمه
مابقى اللي يفزع يجبر العظم الكسير
غير بعض الناس ياجعلنا ما نعدمه
للمواقف ساس والمرجله قرم وسفير
ما توانا في حضوره لصوت ٍ يزهمه
للمواقف حمل يثبت لها ظهر البعير
والحطب والزند يبغا شجاع ٍ يشعمه
ياهجوسي طاب فالك وابشركم بخير
النوايا الطيبه عند ربي مكرمه
عدها بالطيب والخير لك قدم وخير
وكل مسلم له سجلات ربي محكمه