على الله اتكلنا حلق السرب الخليجي فوووق سمانا ماتهيد به نسور الجو وصقورة وصفينا سوى وقفة عدالة مانغط حقوق خليجيين ماخنا الجوار ولا بنا بورة نفذ صبر الحليم وسحب غيضة لاح فيها بروق تباشير الحيا فالديرة اللي قيل ممطورة نسوق اللي يعادينا بخشم المدفعيه سوق فعول مثبته وموثقه بالصوت والصورة وذي عادة اخوان مريم وال ثاني طاقها مطبوق يباريها خليفة والنهياني بطابورة تسابق للسعوديه ولا سابق ولا مسبوق وعليه بالطلاق انااا جنود لك ياخو نورة ياخو نورة وياشعب السعودية رفيع الذوق يعقب اللي يشابركم صغير وتقصر شبورة هذا الشعب السعودي مركزة فالمركز المرموق وراية لا إله الا الله المعبود منصورة ذيول الفرس نلزمها على ماقيل لزم حلوق يدينا تلزم الحوثي بعد قمنا بحنجورة كشفنا الخطة اللي زرفة في داخل الصندوق لها عشرين عام وهي على ماقيل مصرورة حرقناها وقلب الساحرة من يومها محروق عليها الله واكبر عودت بالسحر مسحورة وعلى معتوقه انثر دمعتك بالحيل يا معتوق ولا ثارت جنونك ثور ونثور لك الثورة سالم العجمي
