"رفيقي" قصيدة للمهندس علي الشنّاني

رفيقي اليا بار و الا تردّى=صديت ما ابغى شامت الناس يدري
اصد واترك ما حصل و اتعدّى=لا ضاع لي حجة و لا ضاق صدري
وانا لهجمات الحسود اتصدّى =بدري على نقالة الهرج بدري
اطى الظروف القاسية و اتحدّى=واحفظ حقوق الناس و اعز قدري
وارقى سما واتعب على الطيب جدّى=واترك علوم مجمع الهرج حدري
مكارم الاخلاق حق ن يبدّى=لاني على المنهاج عزّيت جدري
مدري الجرب صاب الرفيق المفدّى=والا ابتلاه الله واصابه بجدّري
فلان جاب علوم و فلان ودّى=وانا اترك الهراج ما كني ادري
م. علي الشنّاني