من سب ابن سفيان يفدا مواطيه

الخايب اللي ما استتر من معاصيه=لاصار يشرب سوءها كيف يبرى
ذم الصحابة قبح الله معانيه=الهامل اللي مختفي ويتذرا
في غيبةابن باز تحفظ فتاويه=انكر على المعتوه للرب يبرا
وش قال ابن القيم وقالت قوافيه=واهل الخيانه من وفاها تبرا
من سب ابن سفيان يفدا مواطيه=للوحي كاتب بالامانه و يقرا
خال الصحابه صهر طه وعانيه=زعزع قصور الشرك قيصر وكسرى
رجل السياسه والحكم من مجانيه=اول ملوك الشام بالعز يدرا
دعاله الهادي على الحق يهديه=ويهديبه اللي بالهدايه تحرا
معاويه ركب البحر من موانيه=وقاد السفينه بالدها ما تدرا
السني بحب الصحابه مباديه=يمشي على نهج النبي مستسرا
والرافضي قسمته ضيزا وتعنيه=يكشف غطاوي عورته ويتعرا
ليته يسلم للحكومه تجازيه=ولا احد(ن) على سب الصحابه تجرا
الله يعز المملكه دون طاريه=والشرع فيها قايم(ن) مستقرا
الشاعر / ناصر آل جمان