قصيدة للشاعر سعيد سعد ابن عمر للشيخ سعد بن عايض بن كدم بمناسبة عفوه عن ابن خاطر

ياسلامي للقريشي من طويلة = وال كدم خص مروين الرهافي
وبيض الله وجه كساب الجميلة = سعد بن عايض بن كدم السنافي
قامت عزومه على العليا تشيلة = وافي فعله وهو بالذات وافي
أعتق الجاني وقال أعظم وسيله = للتقرب من عليم بالخوافي
فك قيده وأطلقه وأخلى سبيله = والثمن من عند رب العرش لافي
عايفٍ المال كثرة مع قليله = قال حاضر للعفو ما قال مافي
والثواب من الولي ورد الجميله = ما يبيها من البشر ظاهر وخافي
إستوت له وأينعت وأثمر نخيله = وقال منوة خاطري وموسم قطافي
بأعتقه لله وأكسبها نفيله = خير من دنيا وتاليها الجهافي
مستحيله هالسويا مستحيله = ياسعد من كف غيرك ماتشافي
فدوة لك راعي اليمنى البخيلة = جعل يفدونك رجاجيل ضعافي
ياوسيع المعرفة مافيك حيله = أشهد إنك يا ولد عايض سنافي
وأنت من ربع يحبون الفضيلة = ومنبع الشيخة ولا فيه إختلافي
جدك اللي شهرته قطاع كيله = قال هيل بالصواني والصحافي
ومانع لقحطان بالصفرا دليلة = رافع بيرق هل التوحيد كافي
عن رجاجيل الفخر وأهل الجزيلة = آل عادي وافية والضد هافي
القصيدة للشاعر /سعيد سعد ابن عمر