الدنيا دوامة ضيوف

ركض حرفي على رمل الصبر يلهث
تنفست التعب وأنهكت تفكيري
عثرت وقمت
مشيت وهمت
أدور عن خيوط أنسج بها ذاتي
دعاني صوت ما هو صوت
دعاني موت شبه الموت
حضنت الخيال ونمت
ب غفوة بهفوة ب جرح الصمت
تركت الحلم يشرح للصدر من أنت
ياللي بسطت الأجنحه
ياللي تسل الأسلحه
ياللي تشوف إني معك ما لي حقوق
تنبض عروق
وتموت من شوقي عروق
وإنت تحكي عن سراب وتشرحه
فكيت أزرة خاطري لأجلك بصدق
عطيتك اللي داخلي معنى أرق
أرق وأعذب شي يمكن في الوجود
حبيتك وقلبي عقد نية عذاب
سطر كتاب وأبهر بشر
من حبك احتجت الشموس
احتجت أقوسني ب قوس
فرضية الهجر وجروح الأزمنه
كلي أسى.. كلي طيوف
وإلا الحروف أن عاندتني وركضت
ناديتها
جبرتها تستسلم القبض الكفوف
وخليتها تسرد قصص تسرد ألم
الهم هم والصدر دم
والدنيا دوامة ضيوف
بسمه ودمع
خوف وندم
وأشياء لا يمكن أشوف
يعني إن قلبي انكسر
ابسط حقوقه معي
مل مني للأسف
ما ألومه لأنحسر بين الظروف
حمد العلي