صوت يشبه صوت نفسي

من ورا جدران صمت
صوت عذرا من ورا جدران صمت
ما سمعته بس لكني سمعته
غصب عني غصب لإحساسه وقفت
صوت يشبه صوت نفسي
صوت من ذاتي رفعته
صوت أحيا شي قد مات وتلاشى
جاب ما لا أقدر عليه
حرف آه حرف لا كلا وحاشى
حرف ترديده صعب بس رددته عشاني
نون... نون.... نون
لين فقت وما لقيت إلا صدى
نوون
قلت وينك وين رحت وما سمعت إلا سؤالي
صحت من قهري على
دمعتي من واست القلب الحزين
ونبضتي من خففت حر الألم
شفت ما لا يوم شفته
شفت أنثى سلمت يدها لأنثى
وشفت كلمة تحتري حرفين كلمه
شفت نفسي تحتضنها حب نفسي
قمت والدنيا غريبه
مابها معنى حبيبه
مابها إلا نفاق
وشمعتين واحتراق
ما بها إلا شعر تتبعه صورة شعر
باختصار ما بها إلا عذاب
أحسن أرجع من ورا جدران صمت
واسمع اللي قد سمعته
غصب عني!
حمد العلي