تصفيد شياطين

والحين ما باقي على شهر الصيام إلا ليال
يا الله عساها اللي بقى بيني وبين هدايتي
وإن كان ماربي هداني قبلها والذنب طال
يصير شعبان القصير أطول فصول حكايتي
تعبت أشيل من الذنوب جبال وكتوفي هيال
ومليت في ضحكة غرام أرضي غرور هوايتي
كتبت.. لا والله كذبت.. وما دخل جيبي ريال
والحين أنَبْت.. وباسم ربّي جيت أعيد بدايتي
للروح دربٍ ما يطول بْها ولا يعطي مجال
مسافه اقصر من نظر عيني لفجر نهايتي
لا يا الندامة... كان جفّ العمر والميعاد سال
وأنا ما اخذت من السجود اللي يليق كفايتي