يكسر الخاطر الناس اللي مضيعين وقتهم ورى سوالف الريجيم، والمقرود أو الانسان اللي امه داعيه عليه هو ابو جسم دهني لو ياكل لقمتين انتفخت كرشة، ومجتمعنا اكثرهم من فضل الله مستصحين ولهم كروش، واذا جو يسلمون على بعض تتصادم كروشهم قبل خشومهم، قلة الحركة اللي نعانينها في مجتمعنا عشان الجو الزفت اللهم لااعتراض اللي لايمكن يعيش فيه الضب وغير صالح للاستخدام الادمي، لو تمشي خطوتين بزعمك تعمل رياضة تلاقي نفسك تلهث ولسانك واصل كرشك، كمان مافيه مكان زي العالم والخلق تقدر تسوي فيه رياضة بعيد عن السرابيت والدشير اللي جايين يدورون الغزل والتميلح ومضايقة خلق الله ، يعني قصر الكلام مجتمعنا ماينفع معاه غير انك تبلع العافية وتجلس في بيتكم لحد مايجيك السكر والا القلب والا القولون وتسلم الروح لباريها وترتاح، لاتحلم بمكان صحي واجتماعي تسوي فيه رياضه دون ماتشوف تصرفات متخلفة ترفع الضغط، يابوي اش حدك على الريجيم ؟ تعمل زي الناس الفالحة، اقرد انسان اللي يكون عنده مرض ويقول له الدكتور لازم تنزل وزنك، خلاص لازم يقبل بأمر الله سبحانه اللي قدر عليه يكون فرد في مجتمع واجواء ماتسمح لك تمارس الرياضه، والكارثة الاكبر لو قال الطبيب لزوجتك لازم تمارسين المشي، الله يعينك ويعوض عليك!
