ترجم الشيخ خالد بن مشعان بن فاجر بن شليويح العطاوي، أحد مشايخ قبيلة عتيبة، مبايعته لخادم الحرمين الشريفين، الملك سلمان بن عبدالعزيز، بقصيدة شعرية حملت التهنئة والثناء والمبايعة في العسر واليسر. "العطاوي" خص صحيفة "سبق" الإلكترونية بالقصيدة، لمكانتها العالية عنده، حسب قوله. وعبّر فيها عن مدى تلاحم أفراد ومشايخ قبائل المملكة وقادتهم في كل الأحوال.
تقول القصيدة: زاد الفرح بقلوب شعبك يا سلمان حي المليك وحي راعي العدالة
اشتلت حمل المملكة يا كحيلان وحملت حمول غيرك مثاله
الله يطول في حياتك يا سلمان أنت الأب والشعب كله اعياله
يالمملكة عيشي تحت ظل سلمان عيشي تحت ضله وعدله وأمانه
يا خادم البيتين يا عز الأوطان أنت الملك وجه السعد في زمانه
وحنا رجالك بالوفاء طول الأزمان بإخلاص والله ما نعرف الخيانة
الشعب يدعي لك حضارة وبدوان يدعون لك بالعز والله وأمانة
يالمملكة سيري وماري بسلمان واخذ المكانة في رفيع المكانة
يالمملكة تقدمي بين الأوطان سلمان نال العز والعز ناله
يا بو فهد يالصيرمي وافي الأفنان ادعي لك الله بالعفو والإعانة
أنت الملك ولد الملك طير حوران رجل الرجولة كاملة والحصانة
كل الخصايل كاملة فيك يا حصان وانت زعيم الملك وانت حصانه
اليا عدو الأبطال سلمان سلمان حي المليك اللي كبيراً مكانه
تفاخري يالمملكة بحكم سلمان حكماً عدل والله قوي المتانة
يالله طلبتك يالولي قاضي الشان يا جعل عمره عمر نوح بزمانه
