عطر الكلام

هذا غيابك مرني الليلة ويقريني السلام
وأنا غيابي حاضر الليلة في زهو الأسئله
غبتي غيابٍ ما ترك لي غير حزنٍ مستهام
في وحدتي يبني على عرش انكساري منزله
من علمك تبنين بغيابك معاويل الهدام
في ذاكرة صوت نما باسمك وفي الذات اشعله
أنتي بداية كل ما لا ينتهي عطر الكلام
أنتي نهاية كل ما لا يبتدي شوق ووله
أنتي ملامح طفل شده نبض صدر أمه ونام
تقرا بوجهه من شفاة أمه حنان وبسمله
صمتك ظلال الغيم.. لمع البرق.. هتان الغمام
بوحك عصافيرٍ عطت للضي غي السنبله
بسمتك فرحة ضيف جايع في قرى بدوٍ كرام
ومعذبه من كثر جوده فك صدره وادخله
أنتي ليا قلتي أحبك ثارت الدنيا قيام
وأحس كني في بدايات الطريق من أوله
وأنا متى ما قلت أحبك يرتجف جفن الظلام
والصبح يتنفس مكاني والصعيب استسهله