بحر جدة

نام فوق السواحل يا بحر جده
قول لأمواجك اللي عاتيه نامي
قاعك فراش والشاطي لك مخده
نام مادام منت بمروي الظامي
كم ورد جالك الضميان وترده
وانت موجك على الشطآن مترامي
جيت لك والرمال البيض ممتده
فتنة تبسط الكفين قدامي
والشقا في حياتي واصل حده
جيت حافي القدم يا متعب اقدامي
كلما شفت فيك الكبر والصده
قلت هذا هواي ومصدر إلهامي
وأنت بحر غلب جزره على مده
في شواطيك ضعت وضاعت ايامي
تدعي بالرخا وتقدم الشده
تبتسم في لقاي وتغرق احلامي
كل حلمٍ يمر الموج ويهده
وارجع ابنيه لين انهدت عظامي
انتظرتك كثير وطالت المده
والنهايه صحيت من آخر أوهامي