جمال الطبيعة

ماشفت بعيوني جمال الطبيعه
اجمل من الصوره على شكل برواز
ولاشفت بعيوني مكان الطليعه
ابعد من التفكير في حل الألغاز
تضيق لكن ما تضيق الوسيعه
والمعجزات اعجاز يعجزن الأعجاز
شفني قريب وسكة الجهل ضيعه
والعلم نور بدون تفصيل وايجاز
ياروض قلبي يا منابت ربيعه
بك اكثر الثلثين من حصله فاز
شاعر اسلوبي يختلف عن تبيعه
لكن اسلوبك كيف بالله يمتاز
معك الدقايق والثواني سريعه
وانا ولد قوم مطانيخ وعزاز
ما شال متني حمل ما يستطيعه
تبي الدليل وسر تكوين الأنجاز
شفني علآ الفطره واحب الطبيعه
خلك كذا ممتاز والوضع ممتاز