تفاصيل

كنت أحلم فيك وسنيني تمر
والتقيتك
بعد ما مريت
كم بيت وبيت
لين ما دقيت بيتك
ما قدرت إني أقول إلا بغيتك
وهذا أجمل ما حصل
إن قلبي لقلب محبوبي وصل
***
يا ترى وش في صفاتك شدني
هو غرورك.. هو دلالك
ولا شعرك اللي بيدك يوم حركتيه
فجأه.. هزني
وكان أجمل ما حصل
إن قلبي لقلب محبوبي وصل
***
بعدها حسيت بك أجمل بداية
يوم أكمل باقي سنيني
ومحبوبي معايه
وأكتب بإيدي تفاصيل الحكاية
واسمك اللي اخترته يشارك غرامي
يكون عنوان الرواية
ويبقى أجمل ما حصل
إن قلبي لقلب محبوبي وصل
***
وتبتدي أيامنا
وتنولد زهرة أمل قدامنا
وتعكس القمرى بريق أحلامنا
سالفه حلوه تثير أقلامنا
وتحكي أجمل ما حصل
إن قلبي لقلب محبوبي وصل