ذكراك يا فيصل

الشاعر: عبدالله البركاتي
كتب الشاعر عبدالله البركاتي قصيدة نعى فيها الراحل الشريف فيصل البركاتي بعنوان (ذكراك يا فيصل) يقول فيها:
الله يا فيصل على ذيك الأيام
يوم افتكرها يرتجف خافقي حيل
ما ظن أبنساها ولا عدة أعوام
تطوي لنا ذكرى تعطر بها الهيل
ذكرى السمر اللي لها جملة أرقام
في خاطري تبقى على صهوة الخيل
ذكراك يا فيصل على البال مرسام
مثل الرواسي الشامخة تعتلي السيل
فيصل مهابه ما توفيه الأقلام
مهما كتبنا فيه ينتابنا الميل
مثل القمر يبدي على الناس مقدام
يضوي سمانا ضو في عتمة الليل
لا جا لني طرياه أنا أسهر ولانام
تبقى عيوني ساهره تنظر اسهيل
يالله يا معبود يا خير علام
تبعد أبوطارق عن النار والويل