موازين الحقايق

ياصاحبي وإن قلت وش فيك شيبت
أقول نكبات الزمن شيبتبي
عاشر سنة وأنا من السبت للسبت
أكتب ويمحى كف الأيام كتبي
رتبت من حولي وأنا ماترتبت
وفيت لا شك الظنون غدرتبي
أحسنت ظني بالبشر ماتحزبت
والناس في سوء النوايا هقتبي
قلبت موازين الحقايق وعوقبت
حتى أقرب الخلان رد وشمتبي
وجبت خلاني ولاعاد وجبت
الناس ما أدري من خطا وش لقتبي
تخيل أصحابي بعد ماتعذبت
يمر واحدهم ولايلتفتبي
وأنا الذي عنهم ضحى الضيق ماغبت
من شأنهم رجلي مع الدرب جتبي
ومن شأنهم عن رغبة النفس جنبت
أحسبني القاهم ليا وقفتبي
أثريني أسقي صبخة مابها نبت
عرفتها يوم الهبوب عصفتبي
آسف صديقي خاب ظنك وأنا خبت
يالصبر سامحني همومي غدتبي
اليوم غصب أوادعك لو تغربت
المعذرة كل الدروب انتهتبي
كبرت عقلي واستحيت وتأدبت
حتى سكاكين الشماتة سطتبي
واليوم مافيني على الصمت والكبت
قررت أبوح بعلة شيبتبي
مقبل الفهد