دقايق

يالغلا طالبك أنطرني دقايق
ما بقالك غير يومين وتروح
طالع عيوني وتوحي بي شهايق
والكلام أحيان يبطي لا يبوح
عيش فيني حلم وأحيابك حقايق
أعتبرني شخص أضناه الطموح
من زمان آآقول هذا الجرح فايق
دايم آخيله مع النجمة يلوح
مع صباحات الوله هالجرح رايق
ومع أنين الأمس هدت بي صروح
زارعك في داخلي ورد وحدايق
وآتحرى العطر من صدري يفوح
يالغلا والله ماني ب (أمتضايق)
أعطي الدنيا وتهديني جروح
ما بقالي في بساتيني رحايق
ولا بقالي بي سوى نزعات روح
شوفني في داخلي ناس غرايق
صابرة لكن والله ما تنوح
صرت أنا والهم والفرقا شقايق
والفرح لا شافني بوجهه يشوح
وش علام الضيق لامن مر بايق
يسرق الضحكة من الوجه الصبوح
الأمل قدامي الحين إيتهايق
خايف يشوف الفرح برى شحوح
أذبحي في عيد لقيانا عقايق
وانشريني في سما عمرك وضوح.