يا أمير العز

كان في عمري جنيت أغلى هديه= شوفتك عندي تراها أغلى الهدايا
يا أمير العز يا الكف الندية= يا الكريم اللي احتوى كل المزايا
فيك هيبه وفيك إيمان وحميه= وفيك طهرٍ ممتلي بصدق النوايا
وفيك عز وفيك حلم وطيب نيه= محتويك الطيب من كل الزوايا
حي ّ راسك ياسليل المجد حيّه= راس ماتصعب على مثله قضايا
الكرم ناره بكف الجود حيّه= والمواقف تشهد بكثر العطايا
وانت وارث مجد يابو المقدريه = مثل بحر ٍ ماله حدود وزوايا
كم رفعت العسر كم سددت ديّه= كم سترت أيتام بالدنيا عرايا
كم عطيت إنسان في نفس ٍ رضيه= ماعطيت وقصدك أعلام ودعايا
الخليج اللي اشتكى من جور خيّه= وضاقت كويت العروبه بالضحايا
جاها ابوك ابو الشرف والغايرية= الفهد وجه السعد ذيب السرايا
نسل حر ٍ يوم يدلي بالسرية= هيبة الشجعان بظهور المطايا
يوم دق الحرب في نجد العذيه= كف فهد العز لا سوت سوايا
في نهار ٍ بان به وجه المنيه= حي روس ٍ ماتهاب من المنايا
وانت نسل أحرار يابو المقدرية= ياالكريم اللي احتوى كل المزايا
يابو تركي لك سلام ولك تحيه= من خفوق ٍ يرسل اشعوره تحايا