مقادير الليالي

الهواء لاهب غربيه تزين احوالي
والظروف تشّين الاخلاق والنفسيه
وانت ياليل السهارى يوم غاب الوالي
لاتثور ذكرياتٍ كم لها مخفيه
يوم عيني عد بدو وردها متوالي
ماء سبيل ولا لقت من جمها ماويه
مقتفيها من سموم القيض حرٍ صالي
عقب نسناس الحيا والروضة المحميه
حزنت بي فيه ورقاِ تندب الاطلالي
من مقادير الليالي قسمةٍ معطيه
رد ياللي مبتليني يوم ذا منوالي
ماشبعت من التنهت والجروح الحيه
مايعكر صفوك الراكد صرير عوالي
يوم ضيق فجوجها ياتي مع العصريه