فيه الرشاقه واقفٍ طول مامال ظبي الوصايف كامله والحلاتي

زان الطبيعية ريم زينٍ على زين
ريمٍ جماله بالجزيرة سلالات
فيه الرشاقه والحسن قمّة الزين
وجميعهن في خانة النادرات
وللبر والاجداد حبٍ ملايين
وصحبة وجودٍ رسختهم علاقات
بأرضٍ غلاها ماختلف فيه الاثنين
ولسج القدم فيها متاع وطروات
سعود عائش الحربي - جدة
إي والله اللي شدني صورة الريم
تلهب مشاعر شوق صدقٍ والإحساس
صرت أتذكر عشق يا ريم وأهيم
في كل وقت وخص لاهب نسناس
خالد الحارثي - الطائف
الا ياغزالٍ طاول الوقفه على عاليه
يدور كلاه وكل شييٍ على حله
حداه الزمان الشين ودور على تاليه
ويا الله ياللي لك المخاليق منذله
الواحد المعبود خالق الكون واليه
عجل بنواً على الشعبان وتهله
حمد عبدالله الوايلي - حوطة سدير
الله يجيب المطر والسيل
يسقي الديار السعوديه
يا ظبي يا للي ضواه الليل
وترعى الغصان السماويه
امصور وشاطرن بالحيل
والرسم بألوان زيتيه
عبدالكريم عبدالرحمن السلوم - القرائن
زاد الطبيعة زين هذا الغزال
منهو يصيده صدق يلقى الغناتي
فيه الرشاقه واقفٍ طول مامال
ظبي الوصايف كامله والحلاتي
فواز سعود الحربي
قلّ المطر ياصاحبي شيّن الحال
الأرض قفراء والموارد قليله
والريم مدت عمرها تقل رجال
تأكل من الأشجار صوره جميله
يا زينها في طولها ما به جدال
تبكي لها كل القلوب العليله
يالله طلبتك ترحم الحال والمال
وتعجل بنواً تزايد مخيله
خالد ناصر المخيمر - روضة سدير
متميزٍ بالحسن يا ناس لا زال
ياما من قلوبٍ دواها صعيبه
سبب لها آلام وجروح واعلال
من عشق ريمٍ بالمحاسن غريبه
سعد ناصر المسفر
هذا الغزال اللي له الروح تشتاق
وتضرب به الأمثال في كل حالي
يازين حسنه خص في طول الأعناق
هذا هو اللي صدق بالحيل غالي
بشائر القحطاني - الرياض
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق
Your browser does not support the video tag.