«مرّيت مثل الجرح..»

صحيت حلمٍ نام في صدر مرتاب
ونسيتني بين الضلوع ارتجافي
رعشت يديني لك من اطرافي اسراب
وعيوني اوطان وسلام ومنافي
مريت مثل الجرح من بعد ما طاب
وذكرتني برد وخريف التجافي
طاح الورق طاح القلم وانقفل الباب
تكسر الوزن وغرق عمر قافي
وان شيب الشعر وبنى شاعر كتاب
للارصفة عمر وغرام وخوافي
صوت الخطاوي مر في بال الاحباب
جرحٍ نزفه الحال والصمت دافي
ما كنت غير اشجان وآلام وعتاب
وضيقٍ يقول من التباريح كافي
يَالحلم جيب أحباب مرة والاصحاب
بيني وبين أكبر خطاي اعترافي
تمرني والظن في صمتي ان خاب
يلبس لعين الجرح ثوب العوافي
زكاة جرحك كملت عندي نصاب
مرت سنة صمته من والبوح وافي
مثل الوله مثل الرجاء مثل الاغراب
مثل السهر فالليل والنور طافي
وان سال دمعك شالته سود الاهداب
انا من الدمعات سيلة قافي
وشقيت فيك الابجديات فكتاب
هذي تفاصيلي وهذا غلافي