حلّة المجد

الحمد لله والتمجيد له كلّه
وهب لنا العز وأحيانا على الملّة
في خدمة الدين والبيتين شرفنا
اعظم شرف والجهد والمال يبذل له
من عهد عبدالعزيز لعهدنا الحاضر
من اعتلى العرش حاز المجد بسجلّه
واليوم حنّا بعهد الحازم العادل
حزمه يعز الصديق وخصمه إيذلّه
حازم وعادل وأمين وثاقب النظرة
وبعزمه الكايده ترغم وتذعن لّه
سلمان سلمان تاج الملك يزهى به
الدار واللي ورى الحدين في ظلّه
سلمان في نظرة الحزم الشمولية
ما فات غيره من الأحداث يفطن له
واصدق دليل على قولي قراراته
ما فيه قرارٍ صدر ما هوب في حلّه
أجلها في عيون الشعب وأسماها
يوم إنه اختار تلميذه عضيدٍ له
محمد اللي عرف قدره وميزاته
سيفٍ بوجه العدا وأهل الطغى سلّه
واجتث زرع الفساد وسادت الحكمة
من ضمن وقفاته اللي تبري العلّه
وما زال حرصه على المستقبل الزاهر
تظهر ثماره بلا زلّه ولا خلّه
الله يعينه ويحفظكم وينصركم
الدار لبست بكم في مجدها حله
ثلاثة أعوام يا مولاي من حكمك
أرست مفاهيم عزٍ شمسه مطلّه