آفة اللسان

طول اللسان وكثرة الهرج نقصان
والهرج ما يبري نفوس غليله
يموت في همه وغمه والاحزان
وتبقى العلوم الطيبة والجميلة
احدٍ ليا منه كبر زاد طغيان
نقص بعقله والعقيدة هزيلة
واحدٍ ليا منه كبر زاد ثبتان
العقل راجح والمساعي فضيلة
هذا عطا ربٍ كريمٍ ومنّان
وكلٍ على مسعاه يلقى حصيله
مسكين يابن ادم ضعيف وعجلان
ويركض على رزقه ويومي شليله
والله كفل رزقه على مر الازمان
ماكتب له باللوح لازم يجي له
من زيّن النيه يجازى بالاحسان
ومن غير النية حياته ذليله
الله يثبتنا على خير الاديان
نكسب رضى الرحمن منجي دخيله
في ساعة فيها يزوغن الاذهان
وكل تبرى ما يدور عميله
والناس صارت بين فايز وخسران
وكل يدور رحمته يلتجي له
احدٍ بجنات عريضة وغفران
واحدٍ بنيران تلظى مليله
وصلاة ربي عد همال الامزان
على محمد سعد منهو دليله