نقد الشعر

شردٍ تداحم في خفوقي لها أسبوع
مسجونةٍ تبا الورق والكتابة
اكنها من غيض والصدر موجوع
واعدها من فيض فكر وذرابه
ابيع واشري والحيا دوم متبوع
واميز عقول العرب لو تشابه
العقل لو ياخذ من العرف قرطوع
ما شال فاسه واحتطب من عذابه
والشعر له نقاد والنقد مسموع
لكن تالي الوقت يشكي صوابه
نقدٍ بلا عرفٍ شجرةٍ بْلا فروع
ما مرها طرقي ولا اتعب ركابه
ونقد يجي بالسخرية كذب وفزوع
ما هو بنقد الا عبث وش نبابه
النقد يبني جدر ويقوي دروع
علمٍ على الجاهل صعيب كتابه
من منهل المنصف كما طعم ينبوع
ومن مدت الحاقد هماج شرابه
يا مبتلين النقد مات الأدب جوع
والشعر عن ما اشوف يحشم جنابه