أمن وأمان

لاحت تباشير عيد الله وموعوده
الله يجير العرب من نار شبابه
صمنا وقمنا وربي نحفظ عهوده
في ظل شرع الولي ونطبق كتابه
الخير بيده له الجنات ممدوده
ما خاب عبدٍ نصاه ووقف ببابه
والوصل حق علينا نسقي وروده
ما دام سلم الوفا للروح تزهى به
وحنا فدى موطني حامين لحدوده
بالحال والمال دون الحد وهضابه
في حكم سيف العرب سيرته محموده
وحنا على خطاه لين الموت ما نآبه
ومحمد العز فخر الدار وسنوده
ولا تامن الليث لا من ضحكت انيابه
في ظل ربٍ كريم يحفظ جنوده
والحاقد اللي بغى ما نحسب حسابه
أمن وأمان ورخى والجود من جوده
ويفوح عطر الندى ورده وعنابه
هذي تباشيره اللي تسبق سعوده
الله يعيده عليكم باجمل ثيابه