كفوف الوله

لا والله الا اخذت الطرس ودواتي
وفي مخدعي عن شتات الوقت لميته
واسترسل الفكر يذكر ماضي اوقاتي
والدمع في محجر عيوني وخبيته
ينزف هجير المحاني من معاناتي
لو كان قلبي يخبي لي تناهيته
ويعزف لي الحزن فوق اوتار شرهاتي
ويغيب عن حاظري لو كان حنيته
يهب مع داجي الظلمة على شتاتي
وتبرد كفوف الوله والوجد ضميته
اقسى من الجوع لا من يبس شفاتي
واحر من جمر ضيمٍ لا توطيته
واهون من الرجم لا عديت هقواتي
واسهل من الجفن عن حقي وغطيته
لا عاد تبدي علي مع درب سلواتي
يكفي لك اسوق قلبٍ ما تغاليته
يا صاطي الوقت هذ الطرس ودواتي
دونت لك كل ما شفته وعانيته