لآلئ شعرية

دام عزك وعزك عزنا يا وطنا
في حما الله تنعم بالامن ثم حمانا
محتمينك من العدوان منا ومنا
دون حدك على روس الافاعي وطانا
يا قناوات ردي صامل العلم عنا
علمي ياموديت العلوم حددنا
قولي انا نبيع ارواحنا دون اهلنا
ويبرك الخصم مرغم تحت فية عصانا
لا زعلنا بطشنا بالعدو لا زعلنا
الضواري عشاها اللي يجي في نحانا
في المهمات حنا اهل المواقيف حنا
مشينا للامام ولا نعّود ورانا
ناصل الخصم في داره وهو ماوصلنا
ناصله قبل يا صلنا لامنه نوانا
عاد تختالنا في ساحة الحرب جنا
من قديم الزمن نعمي عيون قبلانا
في الشمال الرعد والحزم لاح بيمنا
والمقابيل رمحٍ في نحور اخصمانا
اجتمعنا وبالرب الكريم استعنا
النصر في اللقاء والا الشهاده منانا
صادقين العهود ومحتمينٍ وطنا
كل يوم نجدد للقياده ولانا