حديث الأرض

على جال الهيام اللي خذاني بأول الطاروق
اهيجن حرفك الفاخر وارفرف بك جناح الطير
اذا للصبح طاري تمتمه بين الشعَر والطوق
أجل وش باقي من دون الخطى حتى تحث السير
دخل نورك على كل المنافذ ماترك لي ذووق
حبسني من فضولي فيك حتى فارق التأخير
وقف لك كل ما بي من مآثر ما هضمت حقوق
يحتمّها غلاك الغير وربي غير حتى الغير
تغرّد لك حمامة خاطري يا بهجتي من فوق
غصون الخافق اللي سولفت بانغامه النوّير
ويوصيني صدى نبضك وانا عن عالمي مسروق
على حفظك ما بين الحُب والأخلاص والتقدير
حنيني فيك يلهمني قراءة رسمك المرموق
ويخبرني بأن الماء حديث الأرض قبل البير
سنين العمر فيك اسرابها ما هي كلام حلوق
أجّلْ من الكلام اللي عبر ما خلّد التأثير
يعاهدني وفاك ورابطٍ فينا ونبض عروق
وميثاقٍ مضامينه تهّل الخير تلو الخير
تبي شيٍ نسجته بل حفرته بأوسط المعلوق
لو أطرّزك في قلبي غلا ما يكفي التعبير