وين أنت؟

لا طافت الخمسين ولا الثلاثين
جميعها باحساس فرقاك واحد
الدمع ذات الدمع في داخل العين
والقلب عن كل المخاليق زاهد
تتكرر الذكرى وانا اقول آمين
في صورتك يوم انت لله ساجد
وتقول يالله لم شمل المحبين
واقول عيد دعاك واجد وواجد
هذاني اسرجها بكل الميادين
ويلتَف للمعنى مهذب وناقد
وترمقني عيون الحسد والشياطين
وفي كل ماأوتيت لازلت أجاهد
وين انت عني بس ياغايبي وين
سنين واجد ليه منت إمتواجد
ابك انت لو ترجع بعدعدة سنين
العقل ماهو عن محبتك راشد