أمي

عسى الله برحمته يرحمك = ويجعل لك بجنته قصور وبساتين
و في جنة الفردوس دارك ومسكنك = عقب عينك كثرت دموع العين
ياليت تنفع وربي المحيي يرجعك = وترجع لي فرحه ضاعت من سنين
لا أقبل راسك حتى أظافر قدمك = و أقول لعيني دمعك لا تهلين
رجع لك قلب يحبك ويرحمك = و حنون وأحن منه وين بتلقين
أشتقت لوجهك وياهلا من فمك = ويازينك يا أمي و أنتي تسولفين
و أنا عيوني فيك ما تمل منك = ويازينك يا أمي وأنتي تقولين
بنتي دعيته بالحرم يحقق أملك = بدمع عيني أكتب وليتك تسمعين
أمي أشتقت لك و لريحة نسمك = وقلبي يبس عليك وحتى الشرايين
يالله طلبتك والصبر رحمةً منك = إنك تصبرني على فراقها آمين
*الشاعرة / موضي المرواني