جرحي عميق

كنت قاعد في وسط قلبك وقمت
الرحابه لحظه بلحظه تضيق
ماحكيت ولا عتبت ولا انتقمت
أنتظر عقلك من أوهامه يفيق
التفت وأتمتم وفمي وسمت
لن حزني دايما مثلي أنيق
شفتني ياصاحبي يوم ابتسمت؟
ابتسم وبداخل ضلوعي حريق
انظلم عادي ولكن ماظلمت
الوفا من أجمل عيوب الرفيق
طول عمرك وخز شوك ومافهمت
أنثني لك ورد وأهديك الرحيق
ماعطيتك قلب لكني انقسمت
لين نصفي صار في غبه غريق
ونصفي الثاني رحل لكن بصمت
مابقى غيري وسط ذاك الطريق
هم غم وضيق وأحزان انزحمت
والفضا حولي وما حولي صديق
إن هدا بالي سهى جفني ونمت
وإن عوى ذيب الفكر جرحي عميق
ليه ألوم ومين ألوم وكيف لمت
وكيف ألملم بعثرة رمل ودقيق
وكل مايغفى سهد عيني حلمت
إني بسجنك وأبي أصبح طليق