ذكر الطيّبين

المشكله ماهي بمني ولا فيك
المشكلة باسباب غيرك وغيري
انا كذا باقي على حطة ايديك
رغم ان حذفك ماتعدى جفيري
ذكراي تملى الكون كله بماضيك
ولا غير ذكر الطيّبين ابخشيري
وفي كل مرقب لا اقلزتك الدواكيك
تلقى مواقيعي وتلقى مطيري
ياحر لو ياصل لسمعك صدى الديك
تراه يذّن تحت ركبة بعيري
صوته قوي وتحسب انه حواليك
ولاهو قصيرٍ لك ولا هو قصيري
ومدامني حولك ومادام يمديك
قبل ايتغيّر عن مسيرك مسيري
عطني يدك كانك خويي واخاويك
وابقى سفيرٍ لك وتبقى سفيري
انا الرفيق وراحة البال تغنيك
ولا افضل السجاد يسوا حصيري