ملاذ القلب

أحبك يابعد عمري أحبك كل يوم ونوب
أحبك والهوى ناره من الأضلاع مشبوبه
أحبك من ضميرٍ حي مايعرف يخون أسلوب
أحبك ياملاذ القلب لامن ضيع أدروبه
أحبك يابعد هالناس أحبك والهوى مكتوب
حَشَى لِله مَا أقدر أطيع النفسْ في توبه
لك الله كل ماتطري على قلبي عليك يذوب
عطيتك قلبي العاشق كسيتك بالغلا ثوبه
يا أول من سكن روحي وآخر غاية المطلوب
يا أغلى شخص بغيابه تعيش الروح غيبوبه
أحبك والغلا يشهد على غيرك أمل محجوب
ولا ياصل لإحساسي ولو له حرب مقلوبه
لك الله يالحبيب اللي شرب من صافي المشروب
سنين العمر خلتني غريب ٍ تاه فدروبه
اقوله كان ما تدري أنا من جملة المحسوب
أنا قلب ٍ عشق قلبك وصاغ الحُب بأعجوبه