الله يسامحك

من ضيق الايام قلي وين أبالقاك
ودي اشوفك تبسّم لاجل اسامحك
مادام حرفي طفل كيف اتهجاك
وكيف انتهي من مضاويك ومسارحك
لاتحسب ان الفراق يرتب اشياك
ماهو بكيفي افارق لاجل افرحّك
وقفْت صمت وثوانييّ تحراك
ياحزن الايام طافك موعد الضحك
اقول باكر على الله اقدر انساك
ويمر ه اليوم يتركني ل بارحك
للشمس حزن الرحيل وليّ شباك
اشوف منْه الفرح لما يصافحك
جيتك خطاوي عطش تشفق على ماك
واقفيت ضامي كأني كنت جارحك
مستولي الحزن فيني يوم خلاك
عجزت اكافح تفاصيله واكافحك
خليتني للضنون وخيبة اخطاك
ترسم على وجهي الشاحب ملامحك
ب اقول لاجابت الايام ذكراك
الله على كسرة الخاطر يسامحك