يا ملوك المملكة ياللي مواقفكم كبيرة يا الدهاه اللي ليا قمتوا تحلون القضايا الله اللي خصكم عن غيركم بأشياً كثيرة وش بعدد لو بعدد ويش بذكر من مزايا يكفي من فعولكم ما صار بالوقفه الاخيرة وقفةٍ منها أمة المليار تعطيكم تحايا يوم وقف سيدي سلمان في وجه المغيرة كل قادات الدول جونا طوابير وسرايا سيدي لا قال طال ولا مشى تمشي مسيرة سيدي لا من وطاء يا طاء على روس الحيايا عاهلٍ في نظرته لأوضاعنا بصر وبصيرة لا ضرب يوجع ولا منه عطا جزل العطايا والعضود محمدين اللي على نفس الوتيرة شامخينٍ للدفاع وللأمن مثل الحجايا السياسة عندكم وانتم هل العوجا الشهيرة والأمن عند الاشاوس فالمدن ولا القرايا والوطن دونه رجاله بسلاح وبذخيرة دون حد بلادنا نارد على حوض المنايا شعبنا دون الوطن كله كبيرة مع صغيرة كل جمهات ابلجٍ دون الوطن تطبخ حمايا علموا داعش مع الحوثي مع إيران الحقيرة السعودي لا كوا ما كيته مثل الكوايا
