قنابل التحرير

النصر بانت يا يمنّا مواريه
لاحت بروقه بإذن رب البريه
واقبل يغيب انسان طال بتعديه
وقنابل التحرير نسمع دويه
يكفي ترى المخلوع زاد بتماديه
يبغى اليمن توريث تمنح هديه
صقور غارت بالسماء ماتخليه
وقرّب سقوط الطاغيه مع خويه
صالح ثلاث عقود اعلن تحديه
يسرق عباد الله صبح وعشيه
اقبل على الحوثي يبي من يغذيه
والفرس قوم ٍ يايمنّا رديه
ياكم وكم احوازنا قد عثت فيه
على الردى فارس اتدوّر رحيه
والحوثي لطّخ في دماء الخلق يديه
والناس احواله بصنعاء شقيه
اذا انتهى المشهد تزول المعاتيه
ويسكن وطن كم مزقّته الشظيه
والأمن يرجع واليمن يحتفل فيه
ويسيطر اهل الجيش والداخليه
ولاعاد للمجرم عيون ٍ تقديه
ويهدى اليمن والشر ماله بقيه