بشّروا كل اليمن

من قديم الوقت به باني وهادم
وبالنصر ربي هل التقوى وعدها
بشّروا كل اليمن والخير قادم
تنّتصر ما دام اخو نوره سندها
للولا قواتنا قامت ترادم
تحت راية سيدي توفي عهدها
خصّمنا ما هوب كفوٍ للمصادم
ما بعد قواتنا جابت جهدها
علموا من صار عند الفرس خادم
والمعاريف اللي فبطّنه جحدها
يتحوّل قدْمنا للحرب عادم
نارنا تحرق هل الحقد وعددها
ردّنا على العدا حاضر وصادم
زمرةٍ شيطانها شاخ وقردها
ونصرة المضيوم من حواء وآدم
من نصانا شافت عيونه سعدها
دون حد الدار للهيجا مقادم
ما تضام الدار لا وقّف ولدها
ومن يهوم حدودنا صاغر ونادم
دونها صقورٍ على العايل هددها