أرسل سلامي

بسم الشعر عذب القصايد على عنّ
كتبت حرفه و الجزل بالمعاني
ترسم على لحن الفرح كلها فنّ
تصعب على من شاهدو في بياني
الاوله كلّمت نفسي و انا اونّ
بشكي و شالتني همومي عماني
والثانية حكمة و فيها اللحن حنّ
لا تنصدم لا جيت يمك و أعاني
والثالثة سهله على محسن الظنّ
كيف المحبه عشتها في زماني
والرابعة تصعب على كايل الطنّ
لا قام يازن ذمت اللي رماني
والخامسة من حاول يجيك و يمنّ
سلم عليه و خبره عن مكاني
والسادسة يا صاحب القيل لامنّ
نويت فعل المنكرة لا تراني
والسابعة للي نوى يقلع السنّ
خلك على ما قيل عالي و شاني
والثامنة سلم على شاعر الجنّ
و ارسل سلامي شوق للي بغاني
والتاسعة ختمتها ياهل البّنّ
مسك و ختام يلامس الزعفراني