لآلئ شعرية

سقت قلبي من شماله وسيّرته جنوب
كيف اوادع وانت اخذت المودّع والوداع
خافقٍ يلبس لك العشق والتحنان ثوب
ما رضالك بالمهونه ولا جاك بخداع
كل شي غير داعيك ما هو بمحسوب
شمس ما تشرق بوصلك مهى ضى وشعاع
وان حكوا في سيرة ابعاد عميان القلوب
ضمّني في وسط عينك وخل القاع قاع
وان خذاني فكري النازح الغر اللعوب
ناد باسمى ويتحدّر غروري لك ضياع
وان غفا ليلي بلياك واعياه الهروب
لك معي صوت ومواثيق وهجوسن تشاع
قد غلبتك وانت ما عشت في يوم مغلوب
قل نعم وانا اعترف لك واقول أنك شجاع
والله إني جنتك وأنت راضي ومغصوب
ذبت فعروقك وغيرت بك كل الطباع