يوم الوطن

اليوم يوم الوطن ، يالله لعله يعود
بالخير ، وأرض المكارم ، عاشت اعيادها
سلام ياطهر ثرى واغلى بلد فالوجود
يامهبط الوحي والهجره وميلادها
ياقبلة المسلمين ويا عرين الاسود
ياديرتن نفتخر لا عدو أمجادها
المملكة في طلبها ، كلبونا جنود
انسور احدودها 00 ونغيض حسادها
من شان حجم التطور باذلين الجهود
وابسط طموحاتنا 00 مايلّحق مادها
يارايده بالحضاره مايبيلك شهود
والواقع اللي نعيشه خير شهادها
الله خلقها على الدنيا تعزْ وتسود
في ظل حكم الكتاب وحكمة أسيادها
في ضف أبونا ، وقايدنا ، ورمز الصمود
بالمعرفه والسطى لطايله قادها
عبدالله اللي بجوده كل يمنا تجود
يمينه البذل مصدرها وميرادها
حنا ولانا وبيعتنا لآل السعود
فرقابنا بيعةً مايضعف أسنادها
ياسيدي ياملكنا 00 مانخون العهود
شعبك تحت رايتك يامقْدم ابلادها
ياسيدي وانت دايم فالمواقيف طود
الأرض دايم توازنها 00 على اوتادها
ياسيدي وانت حبك عند شعبك يزود
حبك تورّثه من طاعتك لولآدها
اليوم عيد الوطن ،، يالله لعله يعود
بالخير ، وأرض المكارم ، عاشت اعيادها