أخليت مسئوليتي

==1==الواجب انك لا تعدّيت الحدود.. وطفتها==0==
==0==أقل حاجه تحترم إسمي وتحشم جيّتي
جوانبي الأخرى ترا للحين ما قد شفتها==0==
==0==فالأفضل انك تتقي شري وتامن سيّتي
شخصيتي كنت احسب انك فاهمٍ وأنصفتها==0==
==0==أثرك إلين اليوم ماانت بفاهم لشخصيتي
أجل ألاعيبك إذا وياي ما خففتهاا==0==
==0==عقليتك وشلون ترقى لمستوى عقليتي
ياهي كثير اشياء صارت منك ما استلطفتها==0==
==0==أقلها كذبك وانا في عز مصداقيتي
وأخطاء لا يمكن تطوُف.. برغبتي طوّفتها==0==
==0==حتى أبيّن لك مدى صدقي وطِيبة نيّتي
ياخي.. أنا كل المشاعر لجلك استنزفتها==0==
==0==وانت ببرودك للأسف قتلت رومنسيّتي
حتى أحاسيسك عشاني ما بعد كلفتها==0==
==0==ما كنك انت اللي ورى تحطيمك لنفسيّتي
أطالب بكامل حقوقي منك وانت اجحفتها==0==
==0==تقول كني من ال "بدون" أطالب بجنسيّتي
خلّيتني مصدوم فيك وهقوتي أخلفتها==0==
==0==واصبحت فاقد شيء من طبعي وتلقائيّتي
يعني ترا عفويّتي من تحت راسك عفتها==0==
==0==مع اني واحد دوم احب اتعامل بعفويّتي
لكني أتلفت العلاقه مثل ما أتلفتها ==0==
==0==ما دام إنسانيّتك .. ماهي لإنسانيّتي
أبشر وانا اللي دمعتي لليوم ما كفكفتها==0==
==0==إني لاعلمءك البكا واثبت لك استاذيّتي
واجعلءك قصّه من صميم التجربه ألّفتها==0==
==0==دفعت فيها كبرياء احساسي وحنيّتي
صدّقني حاولت آتغاضى والعواقب خفتها==0==
==0==لكنّي اخشى لو تطيح بناس من نوعيّتي
إحساسها مرهف.. ولو حاولت واستهدفتها==0==
==0==ماني بساكت.. وانتبه من سخطي وسلبيّتي
أفعالك اصلاً لامست شخصي وانا صرّفتها==0==
==0==وشلون اصرّفها إذا هي لامست قوميّتي
تستاهل انك تنجحد من ناس ما شرّفتها==0==
==0==واول تردّدءت اجحدك والحين بامكانيتي
ما دامك اتعدّيت ويّاي الحدود.وطفتها==0==
==0==غسلت يدّي منّك وأخليت مسئوليّتي==2==