الشرع قايم

من قصيدة طويلة حول الأحداث الراهنة
==1==
يالله عسى من فيه خيرٍ تزيده==0==
==0==وترد كيد أهل المكايد بالاجماع
واجب وطن يملي عليّ القصيده==0==
==0==لو ما تسجل بالدواوين وتذاع
المشكله ماهي بدِين وعقيده==0==
==0==المشكله غايات واهداف واطماع
ناسٍ تكيد ومن وراها مكيده==0==
==0==تُجلب مثل جلب القرابين وأتباع
يرما بها مثل الحطب فالوقيده==0==
==0==في منظرٍ ما يقبله دِين واطباع
والاّ وش اللي من بلدنا تريده==0==
==0==وابوابنا تفتح على كل مصراع
والشرع قايم والقياده رشيده==0==
==0==وصدورنا في غاية الود ووساع
يا بلادنا عنك المطامع بعيده==0==
==0==ما عاش راسٍ للمطاليب ينصاع
الدَّين كامل ما يبي من يزيده==0==
==0==والدرب واضح مير معما البصر ضاع
كم راح منا من سببهم فقيده==0==
==0==الابريا تقتل والاطفال ترتاع
وحنا فهد حنا وحنا عضيده==0==
==0==نعطي الولا في كل شاشه ومذياع==2==