ضاعت حروفي

==1==
يايمه زادت طعوني .. يا يمه كان ماتدرين==0==
==0==سنين العمر فاتتني .. غريبٍ عاش في قومه
أنا من راح للشاطيء .. يبي يرمي هموم سنين==0==
==0==ولحظة ما وصل .. زادت همومه .. ضيّع علومه
أنا من ضاعت دروبه ألا يادروب وينك وين==0==
==0==يشوف الدرب يقسا به تزيد بقلبه همومه
ألا ياليلي الساهر حشا ما غمّضت لي عين==0==
==0==يبات المستريح ولك عاشق يتعبه يومه
يايمه من رحل خلي .. وأنا في غيبته ما بين==0==
==0==همومٍ تحرق الخاطر .. وقلبٍ يأمل قدومه
يايمه ضاعت حروفي .. تترجمها دموع العين==0==
==0==يا يمه ودي أتناسى لكن الروح مغرومه
ترى ما هزت الحاضر .. سوى ذكرى بيوت الطين==0==
==0==وذكرى الماضي ما تنسى .. وسنين العمر مقسومه
يا يمه يا شقا عمري .. إذا الأحباب لي ناسين==0==
==0==وأنا اللي في هواهم دوم .. أحس الروح ملزومه
يا يمه هذي القصة .. يا يمه كان ما تدرين==0==
==0==حبيبي طوّل غيابه .. وقلبي ضاعت علومه !!==2==