دردشة اطفال

@ ما اسمك ؟
طيف
@ كيف الحال يا طيف ؟
الحمد لله .. وأنتي شلونك
@ أنا الحمد لله .. كم عمرك يا طيف ؟
7 سنوات
@ تروحين المدرسة ؟
لا .. ما أروح ..
@ متى بتروحين ؟
أمي تقول بروح السنة الجاية .. كلهم يروحون المدرسة!
@ مين إللي يروح ؟
فاطمة ومنال وعزور ووسمي وميعاد وأمي وأبوي
@ وبعد مين يروح ؟
حنان تروح المدرسة .. وسمي يقول لي أنت بتروحين السنة الجاية للروضة وأنا كبرت صار عمري 7 سنوات .
@ طيب 7 سنوات صغيرة مو كبيرة ؟
لا .. خلاص أنا كبرت عمري 7 سنوات وبروح المدرسة عشان يصوروني وتطلع صورتي بالجريدة .
@ طيب فصلتي مريول ؟
اية هذاك الثوب إللي يروحون فيه المدرسة .
@ يعني شريتي ؟
اية شريت .. راح بابا مع ماما وشروه لي .
@ أي لون المريول ؟
أيش فيك ما تعرفينه ! هذاك إللي تلبس مثله (منال).
@ طيب أي لون ؟ أحمر .. أزرق .. أخضر ؟
يا الله .. خلي بابا يشتريلك مثله من السوق .
@ طيب غير المريول ايش شريتي أغراض للمدرسة ؟
شرت لي ماما شنطة عليها كاكاو .. ونسيت أقولك أن حتى (لولا) بتروح المدرسة معي حتى وجدان أختي الصغيرة بتروح المدرسة .
@ وبعد ايش شريتي للمدرسة ؟
كتاب .. ماما شرت لي كتابين فيهم حروف ورسومات .
@ وبعد ؟
وبابا شرالي (نعال) بس طلعت كبيرة.
@ أي لون ؟
أصفر .. حتى وجدان شرالها بس طلعت صغيرة وضيقة (ازعاج في الغرفة) وسمي .. حنان اسكتوا الحين بتحيلكم الأبلة وتضربكم أبرة .
@ مين إللي يضرب بالإبرة ؟
أنتي .
@ بس أنا مو دكتورة ؟
طيب شسوي فيهم .
@ تعرفين تعدين من الواحد إلى العشرة ؟
لا ما أعرف
@ ليه ؟
أمي ما عطتني بوك ! أمي تقول إذا دخلت المدرسة بتشتري لي كمبيوتر .
@ تعرفين تشتغلين عليه ؟
إيه .. بيت جدي عندهم كمبيوتر .
@ طيف .. تعرفين تطبخين ؟
ايه .
@ ويش تعرفين تطبخين ؟
اعرف اطبخ شوربة وشاهي حق ماما وبابا
@ تساعدين ماما في المطبخ ؟
ايه .. في كل شيء .
@ ما يسوقون سيارة ؟
بس الأولاد .. بابا والرجاجيل يروحون الصلاة بالسيارة .
@ مين يلعب معاك ؟
ميعاد وفاطمة وعزوز .. كلهم عندهم سياكل .
@ ويش يلعبون ؟
أنا ألعب مع حنان ووسمي .
@ شلون ؟
نلعب حريم .