اصوات

حتى لو نسيتيني..
وحتى لو تركتيني..
أعيش بوحدي..
بالآلام.. بجروحي..
حتى لو حرقتي.. كل أوراقي..
وحتى لو مكاتيبي.. رميتيها بحر..
خيرتها.. تشوف النور..
ولو قبلاتي الولهى..
ضيعتيها في الزحمة..
أرى للظروف أحكام..
صحيح اني أحس الوقت..
يضيع مني.
واني في عتام الليل..
لحيث البعد طال واجد.. وما أدري متى القاش..
واني أبني آمالي على روس النخل..
والا على الصاري تلاقيني..
أو اني.. كلما مريت بين الناس..
أطالعهم.. لعلي التقيش اياهم تمرين..
وتتحقق لي الآمال..
وتسري البهجة في نفسي..
وحتى لو تصدي.. يا منى عيني..
أنا عندي.. من اللي كان..
عندي.. وردة جورية..
وعندي.. رسمش الضاوي.
وعندي حسبة الأرقام..
حتى لو رسوماتي
على خدش مسحتيها..
أثر ريقش على لساني
وفي صدرش.. وميض عيونش الذبلانه
يكفيني.. يكفيني بموج الموج..
يكفيني.. تحسيني..
عبدالغني غلوم باقر