من قصائد ضيدان في الأمسية هذه القصيدة بمناسبة العشرينية وتنشر لأول مرة .. ==1== على الله والله اكبر والشهور مكملات سنين==0== ==0==تهل وتكتمل وتغيب والبادي ورى البادي عليها الحول بثنعشر شهر والحين يمحا الحين==0== ==0==ويبقى شاهد التاريخ يا تاريخ الامجادي نحَسد القرن بعقود السنين المزهرات الين==0== ==0==يتم العقد عشر سنين لا تاسع ولا حادي عقودٍ من ذهب لا من زمل والقاسيات تلين==0== ==0==على صدر الزمان نعدها هجري وميلادي ونسجد للكريم اللي مفضّلنا على الباقين==0== ==0==بمكه والمدينه والسيوف رهاف وحدادي وعلى عيد الجلوس اللي نعيشه عيدنا العشرين==0== ==0==ابو فيصل ملكنا والرخا والعز يزدادي تباهي عن عقود القرن كله يا اجمله عقدين==0== ==0==بمن عطر سنينك بالفعايل نفحة الكادي تباهي بالمليك اللي نصَرءه الله وعز الدين==0== ==0==وحكم والشرع منزل في الكتاب وسنة الهادي تزعّم ركبنا الميمون عام اربعميه واثنين==0== ==0==على جرة معزّي والركاب تساق وتقادي ابو فيصل ملكنا والغلا فالقلب قبل العين==0== ==0==ورث حكم وورثنا حب ورث آباء واجدادي محبتنا من الله صادقه ما تقبل التخمين==0== ==0==على وضح النقا فيض القلوب وزرع الاكبادي ابو فيصل ملكنا ذخر اهلنا فالزمان الشين==0== ==0==ذرى شعب الخليج ومزبن اللي حده الحادي بيومٍ مثل يوم اثنين اغسطس من سنة تسعين==0== ==0==ليا هاب الذليل ووقّف البلشان متحادي ابو فيصل فهدنا سيفنا القطاع ابو حدين==0== ==0==ليا اصتكت ابو فيصل على الصكات معتادي فهد ما للكبار الا فهد ما فيه شور اثنين==0== ==0==الى كبءرت شرب فنجالها ما هوب نشادي يوقف وقفة اللي لا وقف ياطا على الطاغين==0== ==0==جبابرة الطغاه اليا وقف ما منهم الغادي كذا الوقفات ولا لا ما فيها يسار يمين==0== ==0==فعولٍ بالعيون تشاف بس يذيعها الرادي لنا حق نتفاخر يا سنة واحد بعد الالفين==0== ==0==بعد طلنا الألوف وعمرنا عشرات وآحادي يقولون العرب ذكر الحيا والطيبين يبين==0== ==0==وانا اقول الحقيقه والعلم في روس الاشهادي بغينا نحتفل باشراقتك يا عيدنا العشرين==0== ==0==واثر حنا من اشراقة فهد بافراح واعيادي ==2==
