صدى

من سعد الجميلي لقصيدة (( الصد )) للشاعر ضاوي العصيمي المنشورة في عدد سابق.
==1==
ياضاوي أحلى الشعر تقطف معانيه==0==
==0==يا شاعرٍ دايم حروفه نجايب
تصوغها صوغ الذهب فيد راعيه==0==
==0==وتصبها وسط القلوب الخصايب
الشعر له سطوه على اللي يعانيه==0==
==0==أقوى من الشلفا بيوم الحرايب
حركت هاجوس القصيد وطواريه==0==
==0==يومٍ قريت "الصد" شفت العجايب
فكّرت في واضح كلامك وخافيه==0==
==0==لقيت به طب الجروح العطايب
لا صار لك شخصٍ تعزّه وتغليه==0==
==0==والوقت غيّر فيه ماهي غرايب
لأن هذا الجيل كثرت بلاويه==0==
==0==حتى القرايب كن ماهم قرايب
اللي تبي ولّى ولاعاد ترجيه==0==
==0==مبطي قريته في كتاب الغرايب
إن طعت شوري خذ من العلم صافيه==0==
==0==وإترك طريقٍ فيه بعض الشوايب
من صد خلّه لين الأيام ترضيه==0==
==0==ياكثر بين الناس تلقى حبايب
==2==