في رثاء منصور بن مقرن

الدمع في بعض المواقف يخونك
وبعض المواقف ما تلاقي لها دمع
من روعة اللي جاك تقسى عيونك
ودك يسيل الدمع ما عاد به دمع
لا جاك علم الكفو تاهت ظنونك
الموت يفني القوم ويفرق الجمع
يا دارنا جانا الخبر.... عن زبونك
جانا خبر موجع لمن شاف او سمع
منصور يا دار الوفى مات دونك
دونك عطى روحه ولا بخل أو طمع
يالله ياللي بيدك أركان كونك
يا واحد تسمع دعا داعي طمع
في رحمتك ورضاك يا رب عونك
للوالد المنصاب والأم والربع..
ولعياله اللي دايم يسألونك....
رحمتك له يا رب يا جابر الصدع
منصور ودموع المطر في عيونك
وقلوبنا تبكي معك بازرق الدمع
علي سليم