ضيف الجنة وصبر أيوب

تحديت الظروف بقوة المؤمن وصبر ايوب
وداريت الدموع بكفك اللي زاد حرقتها
على المرحوم بو تركي حميد السمعه المحبوب
عسى روحه في الجنه ترفرف فوق روضتها
تحمّل قسوة الامه وعانا سطوة المكتوب
وجرحٍ كلما طابت معاليقه يباغتها
ولكن القدر يختار ضيف الجنه المطلوب
من قرومٍ عزازٍ خلّد التاريخ سيرتها
يابو بندر ترى الدنيا كدرها دايماً مغلوب
فطنت لها وشلت الحمل مخلف كل حسبتها
عوضنا في شموخك يا سليل المجد يالموهوب
حياتك غاليه عند الخلايق من بدايتها